Сайрамдық ұстаз дзюдодан әлем чемпионатына жолдама жеңіп алды
![Сайрамдық ұстаз дзюдодан әлем чемпионатына жолдама жеңіп алды | BASSPORT Сайрамдық ұстаз дзюдодан әлем чемпионатына жолдама жеңіп алды](https://bassport.kz/storage/2024/06/17/w7WU1UJNcdhRPifgzQLzvyriiMkVrvMg4waXdc8X.png)
Дзюдо
Түркістан облысының Өңірлік коммуникациялар қызметі
Таразда спорт шеберлері арасында дзюдодан Қазақстан Республикасының ашық біріншілігі өтті, деп хабарлайды BasSport.kz.
Спорттық сайыста еліміздің облыс-қалаларынан бөлек, Өзбекстан, Тәжікстан, Қырғызстан елдерінен келген спортшылар да бағын сынады. Түркістан облыстық құрамасы атынан бақ сынаған Сайрам ауданындағы №96 жалпы білім беретін мектеп директорының тәрбие ісі жөніндегі орынбасары, денешынықтыру пәні мұғалімі Сүндетқұл Егембердиев үздіктер қатарынан көрінді. Ол 55-60 жас аралығында +100 келі салмақта күш сынасып, жүлделі 2-орынға қол жеткізді. Нәтижесінде сайрамдық ұстаз АҚШ-тың Лас-Вегас қаласында өтетін әлем чемпионатына жолдама жеңіп алды.