Тимофей Скатов Австралия ашық чемпионатының іріктеу кезеңінен өте алмады
Теннис
olympic.kz
Австралия ашық чемпионатының іріктеу сайыстары қазақстандық теннисшілер үшін сәтсіз басталды, деп хабарлайды BasSport.kz.
Дүниежүзілік рейтингіде 228-орында тұрған Тимофей Скатов іріктеу сайыстарының ширек финалында әлемнің 160-ракеткасы,31 жастағы босниялық Дамир Джумхурмен өзара кім мықтыны анықтады.
Қазақстандық алғашқы сетті 6:4 есебімен өз пайдасына шешкенімен, кейінгі партияларда қарсылас қарымды шықты – 3:6, 3:6 есебімен жеңіліп қалды.
Матч екі сағат 15 минутқа жалғасты.
Д.Джумхур іріктеу сайыстарының жартылай финалында әлемнің 134-ракеткасы италиялық Джулио Зеппиеримен шеберлік байқасады.
Қазақстандықтардан Денис Евсеев пен Бейбіт Жұқаев іріктеу сайыстарын ертең бастайды.