Дүниежүзілік көшпенділер ойындарына 100-ден астам делегация қатысады – министр
Астана қалалық әкімдігі
Астанада келесі жылы V Дүниежүзілік көшпенділер ойындары өтеді (2024 жылғы 8-14 қыркүйек аралығында), деп хабарлайды BasSport.kz.
Туризм және спорт министрі Ермек Маржықпаевтың мәліметінше, бұл аламанға әлемнің 100-ден астам елінен делегациялар қатысады деп күтілуде.
Ойындардың бірегейлігі – спорттық, мәдени және ғылыми бағдарламалардың ұштасуында. Бағдарламаға 20 жарыстық және 10 көрнекі спорт түрлері кіреді, олар бойынша 110 медаль жиынтығы ойнатылады, - деді министр.
Жарыс ат спорты, ұлттық күрес, садақ ату, құстармен аң аулаудың түрлері, дәстүрлі зияткерлік ойындар бойынша өтеді.
Қазіргі уақытта ұлттық құрама даярлықты бастады, командалар құрамы қалыптасуда,
оқу-жаттығу шаралары өткізілуде.