Роналду клубына қатарынан жетінші жеңісті сыйлады
Футбол
«Әл-Наср» Сауд Арабиясы чемпионатының 7-турында өз алаңында «Әл-Ахли» клубын қабылдады, деп хабарлайды BasSport.kz.
Матч алаң иелерінің пайдасына шешілді - 4:3. «Әл-Наср» сапынан Криштиану Роналду (4-ші және 52-минуттар) мен Талиска (16-шы және 45+6) дубль авторы атанды. Ал «Әл-Ахлиден» Франк Кессье (30-шы), Рияд Марез (50-ші, пенальтиден) бен Фирас әл-Бурайкан (88-ші) мергендік танытты.
Осылайша, «Әл-Наср» барлық турнирде қатарынан жетінші жеңісіне қол жеткізді. Ұлттық біріншілікте Криштиану Роналдудың клубы бесінші орынға көтерілді – жеті ойыннан кейін оның еншісінде 15 ұпай бар.
Роналду жаңа маусымда тоғыз гол соғып үлгерді.