Елена Рыбакина Masters жарысының үшінші айналымына шықты
Теннис
Қазақстанның біріншә ракеткасы Елена Рыбакина Монреальдегі WTA 1000 жарысының 1/8 финалына шықты, деп хабарлайды BasSport.kz тілшісі.
Турнирдің екінші кезеңінде дүниежүзілік рейтингте 584-орында тұрған америкалық Дженнифер Брэдимен кездесіп, үш сетте 6:7, 7:6, 6:3 есебімен жеңді. Матчта Рыбакина 12 эйс жасап, 5 қосарланған қателікке жол берді.
Елена Рыбакина “мыңдық” жарыстың 1/8 финалында тағы бір америкалық Слоан Стивенспен шеберлік байқасады.
Монреальдегі беделді бәсеке 13 тамызға дейін жалғасады.