Уимблдонда Рыбакинаны жеңген теннисші WTA 1000 жарысына қатысудан бас тартты
Теннис
Getty Images
Әлемнің алтыншы ракеткасы тунистік теннисші Онс Жабер 7-13 тамыз күндері Монреальда өтетін WTA 1000 жарысына қатысудан бас тартты, деп хабарлайды BasSport.kz тілшісі.
Спортшының турнирге қатысудан бас тартуының себебі - дізесінен алған жарақаты. Монреальдағы жарыста оның орнын әлемнің 59-ракеткасы чехиялық Линда Носкова басады.
Онс Жабер Уимблдон финалынан кейін ешқандай турнирге қатысқан жоқ. Ал Лондондағы “Үлкен дулыға” жарысы финалында қатарынан екінші рет өнер көрсеткен Онс Жабер биыл чехиялық Маркета Вондроушовадан жеңілді.
Еске салайық, биылғы Уимблдон жарысы ширек финалында Онс Жабер отандасымыз Елена Рыбакинаны жеңген болатын.