Ширек финал алдында: Онс Жабер реванш алғысы келетінін жеткізді
Теннис
Getty Images
Тунистік теннисші Онс Жабер 2023 жылғы Уимблдон ширек финалында отанласымыз Елена Рыбакинаға қарсы ойнайды, деп хабарлайды bassport.kz тілшісі.
Рыбакина мен Жабер 2022 жылғы Уимблдон турнирінің финалында кездесіп, тунистік теннисші жеңіліс тапқан. Биыл жолдары ширек финалда түйісетін матч алдында Онс Жабер Еленадан реванш алғысы келетінін айтты.
“Әрине, реванш алғым келеді. Өткен жылғы финал қиын болды. Жаңа кездесуіміз жақсы естеліктер сыйлайды деп ойлаймын. Дәл бүгінгі қарқынымнан танбай ойнап, жеңіске жетем деп сенемін. Өйткені, Елена - мықиы теннисші. Өздеріңіз білетіндей, ол қарсыласын аямайды”, - деді Онс Жабер чехиялық Петра Квитоваға қарсы өткізген ойыннан кейінгі баспасөз мәслихатында.
Турнирдің 1/8 финалында Жабер чехиялық теннисшіні 6:0, 6:3 есебімен жеңді.