Уимблдон: Қазақстанның бірінші ракеткасы екінші айналымға шықты
Теннис
Қазақстанның бірінші ракеткасы Александр Бублик 2023 жылғы Уимблдон турнирінің екінші айналымына шықты, деп хабарлайды bassport.kz тілшісі.
Бірінші кезеңде америкалық Макдональд Маккензимен сынға түскен әлемнің 24-ракеткасы Бублик 6:7 (3:7), 6:4, 6:4, 6:4 есебімен жеңіске жетті.
3 сағатқа жуық уақытқа созылған ойында Александр Бублик 24 эйс жасап, 11 брейк-поинттың төртеуін пайдаланды.
Бублик үшінші кезеңге шығу үшін тағы бір америкалық теннисші, әлемнің 48-ракеткасы Джеффри Джон Волфпен шеберлік байқасады.