Бокс

Маман «Канеломен» жекпе-жек кезінде Головкиннің жарақат алып қалғанын айтты

Вoxingnews24.com порталының авторы Крейг Дэли мексикалық Сауль «Канело» Альвареспен (58-2-2, 39 КО) жекпе-жек кезінде Геннадий Головкин (42-2-1, 37 КО) жарақат алып қалды деп топшалады. Себебі, жекпе-жектің соңына қарай қазақстандық бокс тек сол қолымен соққы жасаған. 

«Мұқият қарасаңыздар, сегізінші раундтан кейін Головкин тек сол қолымен ғана соққы жасады.

Ал чемпиондық раундтарда 40 жастағы боксшы ауыр соққыларын да сол қолымен бағыттады. Оң қолымен соққыны ара-тұра қосып отырды.

Головкиннің оң қолының соққысы қандай мықты екенін жақсы білеміз. Алайда, «Канелоға» қарсы кездесуде ол оң қолының соққысын көп қолданбады. Осыдан кейін мен GGG жекпе-жек барысында оң қолынан жарақат алды деген ойға келіп отырмын.

Өзінің басты қаруынсыз Головкинде супер орта салмақтағы әлемнің абсолютті чемпионы «Канелоны» жеңетін ешқандай мүмкіндік болмады», – деп жазады автор өз мақаласында.

Айта кетейік, Головкин 18 қыркүйек күні Лас-Вегас қаласында өткен жекпе-жекте «Канелодан» төрешілер шешімі бойынша жеңілді.

Басқа жаңалықтар

Пікір үстеу

Э-пошта мекенжайыңыз жарияланбайды.

Back to top button