Бубликтің жағдайы барған сайын нашарлап барады. АТР жаңартылған рейтингісі жарияланды
Теннис
ATP жаңартылған әлемдік рейтингті жариялады. Қазақстанның бірінші ракеткасы рейтингте айтарлықтай төмен сырғыды, деп хабарлайды bassport.kz тілшісі.
Сербиялық теннисші Новак Джокович әлемдік рейтинг көшбасшысы атағын өзіне қайтарып алды. Испаниялық Карлос Алькарас екінші орында, Стефанос Циципас үздік үштікті түйіндеп тұр. Ал Майамидегі турнирде топ жарған Даниил Медведев әлемнің төртінші ракеткасы атанды.
Жекелей сында өнер көрсететін қазақстандық теннисшілердің үздігі Александр Бублик сегіз сатыға төмен сырғып, 56-орынға тұрақтады. Тимофей Скатов керісінше, рейтингтегі жағдайын біраз жақсартып, 144-орынға көтерілді. Денисс Евсеев пен Бейбіт Жұқаев та рейтингте жоғары қарай көтеріліп, біріншісі 302-оырнға, екіншісі 315-орынға жайғасты.