Дәулет Дәукенов кәсіпқой бокста чемпиондық белбеуге қол жеткізді
Бокс
Әлеуметтік желі
Қазақстандық боксшы Дәулет Дәукенов кезекті жеңісіне қол жеткізіп, WBL нұсқасы бойынша екінші дәрежелі чемпиондық белбеуді иеленді, деп хабарлайды BasSport.kz
20 желтоқсан күні Астанада өткен бокс кешінің басты жекпе-жегінде Дәукенов аргентиналық Карлос Кордобамен қолғап түйістірді. Бірінші жартылай орта салмақтағы он раундтық жекпе-жек қазақстандық спортшының пайдасына аяқталды. Төрешілердің бөлек шешімімен жеңіс Дәукеновке берілді.
Бұл жеңіс оның кәсіпқой бокстағы 15-ші жеңісі болды. Дәулет 2017 жылдан бері кәсіпқой бокста өнер көрсетіп келеді.
Сонымен қатар, осы кештің тағы бір жекпе-жегінде қазақстандық Балауса Мұздиман үндістандық Сушила Виратты жеңіп, жанкүйерлерін қуантты.