Садриддин Ахмедов АҚШ-та өткен жекпе-жекте нокаутпен жеңді
Бокс
WBA
Қазақстандық боксшы Садриддин Ахмедов (15-0, 13 КО) АҚШ-тың Калифорния штатындағы Санта-Инез қаласында өткен бокс кешінде өнер көрсетті, деп хабарлайды Bassport.kz.
Ахмедов кештің басты жекпе-жегінде америкалық Рафаэль Игбоквемен (17-6, 7 КО) алғашқы орта салмақта он раундқа жоспарланған айқас өткізді. Жекпе-жек жетінші раундта техникалық нокаутпен Садриддиннің жеңісімен аяқталды. Бұл жеңіс Ахмедов үшін кәсіби мансабындағы 15-ші жетістік болды. Ал Рафаэль Игбокве алтыншы рет жеңіліске ұшырады.
Айта кетейік, бұл Ахмедовтің 2024 жылы өткізген екінші жекпе-жегі. Тамыз айында ол АҚШ-тың тағы бір боксшысы Антонио Тоддты (17-12, 9 КО) бірінші раундта нокаутпен жеңген болатын.