Елдос Сметовтің қарсыласы финалда жеңіліп қалды
Olympic.kz
60 келіге дейінгі салмақ дәрежесінде өткен Қазақстан чемпионатының финалы сенсациямен аяқталды.
Татами жұлдызы Магжан Шамшадин (Қызылорда облысы) басты фаворит саналса да, шешуші кездесуде Қостанай облысынан шыққан Нұрадил Әлжанға есе жіберді. Әлжан “алтын ұпай” кезеңінде “иппон” әдісін жасап, жеңісті жұлып алды.
60 келідегі жүлдегерлер:
Нұрадил Әлжан (Қостанай облысы).
Магжан Шамшадин (Қызылорда облысы).
Қанат Нұргелді (Маңғыстау облысы).
Алдияр Қарғұлов (Қарағанды облысы).
Айта кету керек, бұл 60 келі салмақта болған жалғыз сенсация емес. Таңертеңгі сессияда өткен жылғы чемпион Нұрқанат Серікбаев алғашқы айналымда Талғат Орынбасарға есе жіберіп, жарыстан шығып қалды. Алайда Орынбасар да келесі кезеңде Данияр Құлұшовқа жол берді. Құлұшов болса, жүлдеге таласатын мүмкіндікке де жете алмады.
Елдос Сметов, әдеттегідей, ел чемпионатына қатысқан жоқ.