“Нокаутпен аяқталады” Хамза Шираздың бапкері Жәнібек Әлімханұлымен жекпе-жекке дайын екенін хабарлады
Бокс
Sports.kz
Орта салмақта WBO және IBF нұсқалары бойынша әлем чемпионы Жәнібек Әлімханұлы мен Хамза Шираз арасындағы жекпе-жек көптен күткен кездесулердің бірі болмақ.
Британдық боксшы WBO белбеуіне ресми үміткер болып саналады, ал Бүкіләлемдік бокс ұйымы Жәнібек пен Хамзаның жекпе-жегін өткізуге рұқсат берді.
Республикалық Sports.kz интернет-порталының тілшісі британдық боксшының бапкері Рики Фуньеспен сөйлесіп, Хамза Шираздың қазақ чемпионымен қолғап түйістіруге дайын екенін және бұған дейін жекпе-жектен қашпағанын айтты.
— Жәнібек әлі Хамзадай соққысы мықты боксшымен кездескен жоқ. Сонымен қатар, біз де Әлімханұлының мықты қарсылас екенін түсінеміз. Бір нәрсені нақты айта аламын: бұл өте әдемі жекпе-жек болады, ал оның финалы нокаутпен аяқталады, — деді Фуньес.