Қазақ боксшысы АҚШ-та мексикалық қарсыласын нокаутпен жеңді
Бокс
Бек Нұрмағанбет Instagram парақшасынан
Қазақстандық боксшы Бек Нұрмағанбет екінші орта салмақтағы кезекті жекпе-жегін сенімді жеңіспен аяқтады, деп хабарлайды Bassport.kz
Калифорнияның Сан-Джасинто қаласында өткен бокс кешінде ол мексикалық Хоакин Мурриета Лусиомен қолғап түйістірді. Сегіз раундқа жоспарланған кездесу небәрі екінші раундта аяқталды.
Бектің жойқын соққыларынан кейін қарсыласы жекпе-жекті жалғастыра алмады.
Бұл жеңіс Нұрмағанбеттің кәсіпқой бокстағы он үшінші жеңісі, оның он бірін нокаутпен аяқтаған.