"Ақсу" мен "Каспий" ҚПЛ-дан шығып қалды
Осы маусымда Премьер-лигада өз орнын сақтай алмаған алғашқы командалар анықталды, деп хабарлайды Bassport.kz.
Бүгін "Оқжетпес" Қазақстан чемпионатының 24-ші туры аясында "Қызылжарды" 2:1 есебімен жеңді.
Бұл жеңіс көкшетаулықтарды "ұшу аймағынан" алыстатып, маусымның алғашқы екі "аутсайдер" командасын анықтап берді.
Мәселен "Оқжетпес" чемпионатта 25 ұпай жинап, 11-ші орынға көтерілді. Сөйтіп "Ақсу" (18 ұпай/24 матч) мен "Каспий" (15 ұпай/23 матч) командаларынан артта қалдырды.
Осылайша екі клуб та келесі маусымды Бірінші лигада өткізеді. "Каспий" Бірінші лигада 2019 жылғы маусымнан бастап, ал "Ақсу" 2021 жылдан бері бірінші рет ойнайды.
Дегенмен ҚПЛ-да қалу үшін күресті бірден 6 команда жалғастырып жатыр. Олар: "Қайсар", "Тобыл", "Шахтер", "Жетісу", "Оқжетпес" және "Мақтаарал".