Мейірім Нұрсұлтановтың жекпе-жегі қашан өтетіні анықталды
Бокс
©instagram.com/meiirim_n/
Қазақстандық боксшы Мейірім Нұрсұлтанов (19-0, 11 КО) алдағы айда жекпе-жек өткізеді, деп хабарлайды BasSport.kz.
Дереккөз мәліметінше, Нұрсұлтанов шаршы алаңға қазан айында оралады. Айқастың өтетін орны мен қарсыласы әлі белгісіз. Дегенмен алдағы бірер күнде бұл туралы хабарланады деген болжам бар.
Бұған дейін Мейірімнің IBF рейтингіндегі үздіктердің бірімен кездесуге үміткер екені айтылған.
IBF чемпионы неміс Винченцо Гуальтьери (21-0-1, 7 КО) 14 қазанда WBO титулының иесі Жәнібек Әлімханұлымен (14-0, 10 КО) біріккен айқас өткізетіні белгілі болды.