Сауль Альварестің бапкері қазақстандық команда құрамына қосылды
Бокс
Атақты бапкер және менеджер Эдди Рейносо қазақстандық промоутерлік Suleimen Promotions компаниясына қосылды, деп хабарлайды BasSport.kz тілшісі.
Бұл туралы компанияның баспасөз қызметі мәлімдеді.
“Suleimen Promotions командасының жаңа мүшесі - Эдди Рейносо. Жақында қызықты жаңалықтар күтіңіздер”, - деп жазды компания.
Эдди Рейносо - екінші орта салмақтағы абсолютті әлем чемпионы Сауль “Канело” Альварестің бапкері әрі менеджері. Қазақстандық промоушен боксшылары Бек Нұрмағанбет, Абылайхан Жүсіпов, Евгений Павлов пен Әбілхан Аманқұл АҚШ-та оқу-жаттығу жиындарын өткізіп, мексикалық спортшымен бір залда жаттығып жатыр.